მასალაში საუბარია რუსეთის მიერ საქართველოს წინააღმდეგ აგრესიასა და რუსეთის მიერ 1968 წელს ჩეხეთის მიმართ განხორციელებულ იგივე ქმედებაზე.
აღნიშნულ მოწოდებას პრაღის პირველი აკადემია "პედაგოგის" დირექტორი ზდენეკ ოკუნეკი ეხმაურება, რომელიც "ჯი-ეიჩ-ენისთვის" გამოგზავნილ წერილში აღნიშნავს, რომ ჩეხეთისთვის, ნებისმიერი ჩეხისთვის გასაგებია ის რაც ამჟამად საქართველოში ხდება.
"მიიღეთ ჩემი გულწრფელი სამძიმარი ასობით საქართველოს მოქალაქის დაღუპვის გამო. თქვენი ქვეყანა წავიდა სწორი გზით _ დემოკრატიის, თავისუფლების, პროგრესის გზით. რომ არ ყოფილიყო 1948 წელი, როცა ჩეხოსლოვაკიის მთავრობაში მოვიდნენ კომუნისტები და 1968 წელი, როცა საბჭოთა კავშირმა ტანკებით ჩაახშო პრაღის გაზაფხული, ჩეხეთი ევროპაში ერთერთ წამყვან პოზიციას დაიკავებდა. როგორც მცირე ერის წარმომადგენელი ევროპის ცენტრში, ვკიცხავ საქართველოზე რუსეთის ვერაგულ თავდასხმას, რომელიც ძალიან მაგონებს 1968 წლის აგვისტოს. მეგობრებს კრემლში დაავიწყდათ, რომ საბჭოთა იმპერიის ეპოქა წავიდა და რომ საქართველო არის დამოუკიდებელი სახელმწიფო, რომელიც მიისწრაფის რომ გახდეს განვითარებული და საიმედოდ დაცული ქვეყანა. ღმერთი გფარავდეთ!", _ ნათქვამია ზდენეკ ოკუნეკის წერილში.
|