სომხეთის დედაქალაქში ქართველმა სტუდენტებმა საპროტესტო აქცია რუსეთის საელჩოსთან ორჯერ გამართეს. თუმცა, ამას ინცინდენტის გარეშე არ ჩაუვლია.
[ნინო ცხოიძე, თბილისის საინფორმაციო სააგენტო] საქართველოში განვითარებული უმძიმესი ვითარების გამო, რაც რუსეთის აგრესიის ანახულ მასშტაბებს უკავშირდება, ორი დღის განმავლობაში ხმას იმაღლებდნენ სომხეთში მცხოვრები ქართველი სტუდენტები.
როგორც თბილისის საინფორმაციო სააგენტოს ერევნიდან ქართველმა სტუდენტმა ილია გოგიჩაიშვილმა აცნობა, ამ დღეების განმავლობაში რუსეთის საელჩოს წინ გამართული აქციებისა და მშვიდობიანი მსვლელობისას, ადგილობრივი მოსახლეობის გარკვეული ნაწილი მათ სოლიდარობას უცხადებდნენ შეძახილებით “რუსეთი - აგრესორი!” თუმცა, სიტყვის თავისუფლების შეზღუდვა და რუსეთის მიმართ არაოპოზიციური განწყობა მაინც დიდია.
- “ჩვენს აქციებს მხარდამჭერები უცხოელების მხრიდანაც გამოუჩნდნენ. პოლიციამ ჩვენი ამერიკელი მეგობრის გადაღებული სურათების წართმევა მოინდომა და დაგვემუქრა, რომ თუ ფირებს არ გავანადგურებდით,, დაგვაკავებდნენ” - განაცხადა ჩვენთან სატელეფონო საუბრისას ილია გოგიჩაიშვილმა.
მისი თქმით, პოლიციამ ამ ფაქტის შესახებ უკვე იმ უნივერსიტეტის რექტორატსაც დაურეკა და სტუდენტებს გაფრთხილება მიეცათ, თუ მსგავს გამოსვლებს არ შეწყვეტდნენ, მათ დააპატიმრებდნენ. ამას გარდა, პროვოკაციების მოწყობა საქართველოს საელჩოს მიმართ განხორციელდებოდა და ამ აქციის მოწყობაში დაადანაშაულებენ.
- “ასევე, შემოიჭრნენ საცხოვრებელ ბინებში და ქართული დროშები აივნებიდან მოგვახსნევინეს. მიუხედავად ამგვარი წეზოლისა, გუშინ CNN-ს პირდაპირ ეთერში მაინც ჩავერთე და საქართველოში მიმდინარე მოვლენები მაინც გავაშუქე” - განაცხადა ილია გოგიჩაიშვილმა.
ამის გამო, ქართველი სტუდენტები ხვალ დილით საქართველოში გამომგზავრებას აპირებენ, რათა თავიანთი პროტესტი საკუთარ ქვეყანაში უფრო უსაფრთხოდ გამოხატონ.
|