ეუთო-ს თავმჯდომარე ქვეყნის – ფინეთის საგარეო საქმეთა მინისტრის ალექსანდრ სტუბის განცხადებით, ეუთო-მ კონფლიქტის ზონაში შექმნილი დაძაბული ვითარების განსამუხტავად ყველანაირი შესაძლებლობა უნდა გამოიყენოს და რეგიონში დამატებით 100 სამხედრო დამკვირვებელი უნდა გააგზავნოს. საქართველოს კონფლიქტურ ზონებსა და მის ფარგლებს გარეთ განვითარებულ მოვლენებთან დაკავშირებით სტუბი ღრმა შეშფოთებას გამოთქვამს და აცხადებს, რომ "ცეცხლის შეწყვეტა, რომელზეც მხარეები შეთანხმდნენ, მკაცრად უნდა იქნას დაცული". "ძალიან შეშფოთებული ვარ, რადგან ვრცელდება ინფორმაცია, რომ კონფლიქტის ზონებსა და მის ფარგლებს გარეთ მშვიდობიან მოქალაქეებზე ძალადობა გრძელდება, ხოლო მათ საკუთრებას ანადგურებენ. ასეთ ვითარებაში ეუთო-მ ყველანაირი შესაძლებლობა უნდა გამოიყენოს და რეგიონში დამატებით 100 სამხედრო დამკვირვებელი უნდა გააგზავნოს", - ნათქვამია სტუბის მიერ გავრცელებულ განცხადებაში.
|