საქართველოს იუსტიციის სამინისტროს დაქვემდებარებაში შემავალი საჯარო სამართლის იურიდიული პირები კონფლიქტის ზონაში დაზარალებულ ტერიტორიული სამსახურების თითოეულ თანამშრომელს 1000 ლარით დაეხმარებიან. საჯარო რეესტრის ეროვნულმა სააგენტომ გორიდან, ერედვიდან და ქურთიდან დევნილი თანამშრომლებისა და მათი ოჯახის წევრების დაბინავება და დახმარება უზრუნველყო. იძულებით გადაადგილებული კოლეგებისთვის სააგენტომ უკვე იქირავა საცხოვრებელი ფართები, გადასცა მათ ავეჯი და პირველადი მოხმარების საგნები. ცენტრალურ აპარატში გროვდება სხვადასხვა ნივთები, მათ შორის - ტანსაცმელი და საკვები პროდუქტები კონფლიქტის ზონაში დაზარალებულთათვის. სააგენტომ კონფლიქტის ზონიდან დევნილი თანამშრომლებისთვის ფულადი დახმარება - თითოეულზე 1000 ლარი გამოყო. მატერიალური მხარდაჭერა კვლავაც გაგრძელდება. გარდა ამისა, სააგენტო ხელს შეუწყობს მათი დამწვარი სახლების აღდგენას და სრულ რეაბილიტაციას. საჯარო რეესტრი დაზარალებული თანამშრომლების დახმარებას მომავალშიც გააგრძელებს.
|