წუხელ, გვიან ღამით პოლონეთიდან თბილისში ჰუმანიტარული სამედიცინო ტვირთის მეორე პარტია ჩამოვიდა. ამ პარტიასთან ერთად პოლონეთიდან თბილისში 600 ლიტრი სისხლი ჩამოიტანეს. საქართველოში პოლონეთის ელჩის მოადგილის ლეხ კონჩაკის განცხადებით, ოთხი დღის განმავლობაში პოლონეთის მოქალაქეეები სამედიცინო დაწესებულებებში სპეციალურად საქართველოსთვის სისხლს აბარებდნენ. ამასთან, დონორთა შორის პოლონეთის პრემიერ-მინისტრიც იყო. ლეხ კონჩაკის ინფორმაციით, საქართველოში გამოსაგზავნად პოლონეთის მოსახლეობა ფულსაც აგროვებს.
|